A revista Executivos, unha das cabeceiras decanas da prensa económica española, entregou os seus Premios Executivos Galicia nun acto que tivo lugar no Círculo de Empresarios de Galicia, en Vigo. Nesta oitava edición dos seus galardóns 14 eran os premiados, entre empresarios e empresas galegas, que recibiron esta distinción en diferentes categorías nun acto que clausurou o alcalde de Vigo, Abel Caballero.
O Clúster Turismo de Galicia foi distinguido na categoría de Iniciativa Empresarial “polo seu evidente avance na profesionalización do sector e a creación de produto turístico para o destino”, segundo o xurado que elixiu os gañadores destes premios que recoñecen aspectos como a traxectoria, o servizo ao cliente, o bo facer e as iniciativas para a consolidación dun tecido empresarial forte e de calidade. O galardón foi recollido polo presidente do CTG, Francisco González, de mans do presidente da Autoridade Portuaria de Vigo, Enrique Veiga. González destacou que este é un premio a todos os asociados que, co seu esforzo, están a contribuír a construír non só o Clúster se non un sector turístico sustentable, moderno e de futuro para Galicia.

Ademais do Clúster de Turismo de Galicia, os gardonados nesta edición dos Premios Executivos foron Ignacio González, CEO de Nova Pescanova, como “Executivo do Ano”; Babé y Cía, premio Empresa do Ano; Francisco Cal, premio á Traxectoria Profesional; Pérez Rumbao, premio á Empresa Familiar; Sivsa recibiu o premio ao Servizo ao Cliente; Adegas La Val á Calidade; Susana Pérez recibiu o premio á Xestión Institucional polo seu labor á fronte da Asociación Empresarias Galicia; Francisco Gómez-Ulla, o de Prestixio Profesional mentres que Correos recibiu o de Transformación Dixital pola súa iniciativa o Camiño con Correos. Completan a relación de galardoados a empresa Unicla, Premio Excelencia Empresarial; o restaurante España, premio á Excelencia Turística; Santiago Salgueiro, da Pepita Burguer, premio ao Novo Empresario e a Universidade de Vigo, Premio á Innovación.

Foto grupo premiados Ejecutivos Galicia 2018

11 de Xullo de 2018
Premio Ejecutivos Galicia 2018

O Clúster Turismo de Galicia recibe o premio Executivos de Galicia 2018 á mellor iniciativa empresarial

A revista Executivos, unha das cabeceiras decanas da prensa económica española, entregou os seus Premios Executivos Galicia nun acto que tivo lugar no Círculo de Empresarios […]
10 de Xullo de 2018
portos de galicia

A Royal Yachting Association (RYA) explora opcións de colaboración cos portos deportivos galegos

Co obxectivo de establecer vías de colaboración estables, a Consellería de Mar, Portos de Galicia e a Royal Yachting Association (RYA) mantivo un encontro en Galicia […]
09 de Xullo de 2018
reunión golf y turismo

O deporte do golf e a súa influencia na demanda turística centra unha mesa de traballo promovida pola Federación Galega de Golf

Co obxectivo de promover accións conxuntas que permitan promover o turismo do golf en Galicia, a sede da Federación Galega de Golf en Coruña acolleu unha […]
09 de Xullo de 2018
World travel awards

Portugal, novo mellor destino turístico de Europa nos World Travel Awards, nos que España só cultivou seis premios fronte os 24 dos nosos veciños

O hotel Zappeion Megaron Hall, de Atenas (Grecia) acolleu a entrega dos WTA, World Travel Awards na que se fixo entrega dun total de 520 premios, […]