A Deputación de Pontevedra acaba de facer público un estudo de comportamento do viaxeiro que visita as Rías Baixas, a partir dunha enquisa realizada de maneira aleatoria durante os pasados meses de verán entre os visitantes a esta zona, sendo o perfil deste viaxeiro maioritariamente de orixe nacional e cunha franxa de idade entre os 36 e os 65 anos. Entre as orixes nacionais destaca especialmente o viaxeiro de Madrid, Cataluña e Andalucía mentres que nas internacionais, o maioritario provén de Portugal (case un 47%).

O estudo conclúe que a provincia de Pontevedra ten un turismo que prefire os hoteis (o 44%) e que vén ás Rías Baixas entre 4 días e unha semana (o 53% dos enquisados); que escolle o destino pola gastronomía, pola oferta cultural, pola natureza e polas praias; que Internet é o medio a través do que se informan e xestionan a maior parte das súas compras e reservas, e tamén que o destino consegue unha valoración moi alta, con 4,69 puntos sobre 5. Ademais destaca o estudo que máis dun 60% dos enquisados escolleu como destino as Rías Baixas por recomendación de amigos ou familiares.

A Presidenta da Deputación de Pontevedra, Carmela Silva, resaltou especialmente os datos relativos á importancia que ten Internet como medio de reserva e de información, e asegurou que “de aquí ao verán de 2019 a revolución que imos facer no TIC vai ser total e absoluta”. Así, Carmela Silva asegurou que “o destino está a vivir importantes cambios no relativo ás novas tecnoloxías, contemplados no Plan Estratéxico de Turismo, que nos permitirán confirmar novidades nos próximos meses” e adiantou que “a Deputación acaba de presentar o proxecto “Tourist Inside” ao Goberno estatal para modernizar o destino, un proxecto que “permitirá modernizar e que o TIC consigan un gran papel na promoción e na compra de paquetes de viaxes” xa que “o futuro do sector pasa por elas”.

Carmela Silva lembrou que o TIC son moi importantes en especial para o turismo estranxeiro e que precisamente a internacionalización é un dos obxectivos prioritarios marcados no Plan Estratéxico de Turismo. “É un turismo moi interesante que se move polos motivos que nós queremos promover, de alta capacidade adquisitiva, que consome moito e que se move durante todo o ano”. A Presidenta asegurou que o fomento da internacionalización, que lembrou que é importante “para os números e para o modelo” do turismo provincial, ten que pasar pola “promoción naqueles lugares do estranxeiro onde chegan as rutas do aeroporto de Vigo”. A Presidenta provincial avanzou que a Deputación presentará ao sector os datos deste estudo, ao que lle seguirá outro que se elaborará xa en tempada baixa, e tamén os levará á próxima Mesa do Turismo provincial que se celebrará en outubro.

20 de Setembro de 2018
playa_de_silgar

Rías Baixas volve conseguir unha alta valoración entre os visitantes que a elixiron como destino este verán

A Deputación de Pontevedra acaba de facer público un estudo de comportamento do viaxeiro que visita as Rías Baixas, a partir dunha enquisa realizada de maneira […]
19 de Setembro de 2018
Caminos de Otoño Turismo Rural

O turismo rural galego convídanos a descubrir os camiños do outono a través do seu catálogo de produtos

Preto de 40 establecementos de turismo rural de Galicia coordinaron as súas propostas baixo o slogan “Viaxa polos camiños de outono”. O catálogo recolle 37 experiencias […]
18 de Setembro de 2018
Grafica campaña enoturismo

As Rutas do Viño de Galicia convídannos a gozar do enoturismo en Galicia con alma, corazón e viño

Lanzan unha campaña conxunta baixo a súa marca paraugas Enoturismo Galicia co obxectivo de destacar o enoturismo experiencial que se poden gozar nas rutas “Aquí o […]
17 de Setembro de 2018
logo_turismo

Adxudicación “Asistencia Técnica para o desenvolvemento dun workshop con actividades de promoción na cidade do Porto” coa colaboración da Xunta de Galicia – Axencia Turismo de Galicia

Adxudicatario: Viajes El Corte Inglés S.A. Importe adxudicación: 25.650,00 euros