ASNAUGA lidera as Bandeiras Azuis de portos deportivos en Galicia co 80% do total

puerto de sanxenxo

ASNAUGA lidera as Bandeiras Azuis de portos deportivos en Galicia co 80% do total

Un total de 15 portos deportivos galegos ondean este ano a Bandeira Azul, o distintivo outorgado polo organismo europeo ADEAC- FEEE, dos cales 12 son Clubs Náuticos pertencentes a Asociación de Náuticos de Galicia ( ASNAUGA): Monte Real Club de Iates, Club Social Moaña Mar, Real Club Náutico de Rodeira, Club Náutico de Portonovo, Club Náutico San Vicente do Mar, Real Club Náutico da Coruña, Club Náutico de Sada, Club Náutico Ría de Ares, Club Náutico de Camariñas, Club Náutico de Boiro, Real Club Náutico de Ribadeo e Real Club Náutico de Portosin.
Todos eles foron galardoados coa Bandeira Azul no sector de Instalacións Náutico Deportivas, un recoñecemento ao traballo de varios anos e ao cumprimento da lexislación europea en materia ambiental e de accesibilidade. Ademais da Bandeira Azul, ASNAUGA lidera tamén as certificacións de medio ambiente e calidade en Galicia co 92% das certificacións de calidade “ Q” de portos deportivos, o 100% de EMAS e ISO 14001. O 57,14 % dos clubs e portos deportivos de España con “ Q” de calidade están en Galicia e pertencen á Asnauga, o que anima a esta entidade para seguir traballando pola calidade e para ser referente en toda España e Europa.
Estas normas de calidade de servizo e medio ambiente, no ámbito específico das instalacións náutico-deportivas, club náutico ou porto deportivo, marca uns requisitos para cumprir que definen o nivel de servizo ao cliente, incrementando o valor engadido da propia instalación, pero tendo moi en conta a importancia turística que ten para cada municipio a achega, tanto económica como de imaxe, que cada espazo Náutico-Deportivo pode facer para a súa comunidade de cidadáns ao ser receptores dun gran número de visitantes e turistas.
Share on FacebookShare on Google+Tweet about this on TwitterShare on LinkedIn