Axencia de Turismo de Galicia

As asociacións de Turismo Rural Fegatur, Agatur e Agarimo e Pazos de Galicia veñen de asinar un convenio de colaboración con Turismo de Galicia para traballar conxuntamente para o impulso da central de reservas de Turismo de Galicia. O obxectivo deste acordo é dar continuidade ao servizo de reservas de aloxamentos de turismo rural de Galicia durante o ano 2016 dunha maneira máis competitiva, quedando a coordinación e funcionamento do sistema de reservas de aloxamentos de turismo rural nas catro asociacións que neste momento agrupan os aloxamentos de turismo rural en Galicia.

A directora de Turismo de Galicia, Nava Castro, destacou que o convenio constitúe unha acción máis na aposta de Turismo de Galicia pola colaboración público- privada e supón un empuxe fundamental para o turismo rural. “O convenio permitirá potenciar a ferramenta e adaptala ás necesidades do sector sen reducir a súa universalidade, xa que continuará á disposición de todos os aloxamentos de turismo rural, sexan ou non membros dalgunha das asociacións”, sinalou.

Pola súa parte, os representantes das asociacións agradeceron esta iniciativa da Xunta de Galicia que definiron como un importante avance, e destacaron que, grazas a iniciativas como esta, a nosa comunidade estase a consolidar como un destino rural de referencia.

Mellora de resultados

Nava Castro explicou que o turismo rural constitúe unha das grandes fortalezas da nosa comunidade como destino ao contar con máis de 600 establecementos de Turismo Rural que superan as 7 mil prazas, dos cales, 50, contan coa certificación da Q de Calidade. Estas cifras converten a nosa comunidade na rexión con máis establecementos desta tipoloxía certificados a nivel estatal, atesourando o 49% do total de España.

Unha oferta que neste 2015 mellorou resultados, xa que, segundo os últimos datos do INE, o pasado ano a nosa comunidade superou nun 21,6% a cifra de viaxeiros aloxados nos seus establecementos de turismo rural e nun 16,2% o nivel de pernoitas do mesmo período do 2014, acadando un máximo histórico de volume de viaxeiros aloxados nun ano non Xacobeo con máis de 181 mil en 2015.

Tuesday January 12th, 2016
central-de-reservas-turgalicia

As asociacións de Turismo Rural e Turismo de Galicia asinan acordo de impulso para a central de reservas autonómica

As asociacións de Turismo Rural Fegatur, Agatur e Agarimo e Pazos de Galicia veñen de asinar un convenio de colaboración con Turismo de Galicia para traballar […]
Monday November 23rd, 2015
181115sinalizacioncamiño4

Turismo de Galicia homologa la señalética del Camino de Santiago

Con el objetivo de homologar la señalización del Camino de Santiago, Turismo de Galicia acaba de modificar el Manual de Sinalización Turística de Galicia, aprobado por […]
Thursday November 19th, 2015
ría-da-estrela

Nace a marca turística A Ría da Estrela para promover os recursos da ría Muros-Noia

Co obxectivo de potenciar a área da ría Muros-Noia, os concellos desta área agrupados na Asociación de Desarrollo Rural Ría Muros-Noia, en colaboración con Turismo de […]
Wednesday November 18th, 2015
4-1024x768

El sector MICE gallego se da cita en la IBTM World Barcelona

Durante tres jornadas, hasta el jueves 19 de noviembre, y en un espacio dirigido exclusivamente a profesionales, el sector de turismo de congresos y reuniones, MICE, […]