Coñece os recursos xeológicos da Mariña Lucense cunha nova publicación especializada

Coñece os recursos xeológicos da Mariña Lucense cunha nova publicación especializada

No marco do programa de protección do arenal de As Catedrais, Turismo de Galicia e a Universidade de Santiago veñen de publicar una guía que recolle os recursos xeológicos e xeomorfolóxicos da Costa Cantábrica galega co obxectivo de mellarar o coñecemento desta zona da Mariña Lucense e impulsar así a desentacionalización do turismo da comarca. A través deste estudo, Turismo de Galicia quere dar a coñecer outros puntos de grande interese xeolóxico e xeomorfolóxico que non gozan do recoñecemento e popularidade da praia de As Catedrais pero que, porén, presentan un gran potencial e atractivo.

Este inventario de recursos xeomorfolóxicos únese a outras publicacións editadas por Turismo de Galicia que ofrecen opcións complementarias na Mariña. Así, a guía “A Mariña Luguesa”, a publicación “Alén das Catedrais” ou a guía “Faros e Praias Salvaxes” demostran como esta comarca pode ser un destino atractivo os 365 días do ano.

A nova publicación recolle un estudo elaborado por Augusto Pérez, Catedrático de Xeografía Física da Universidade de Santiago, e Francisco Canosa, Doutor en Xeoloxía da Universidade de Oviedo, da riqueza xeolóxica e xeomorfolóxica da costa de Ribadeo e a súa contorna. A zona analizada esténdese dende o Cabo de Estaca de Bares á Ría de Ribadeo, un sector de costa pertencente case na súa totalidade á provincia de Lugo, que se caracteriza pola súa diversidade tanto a escala detalle como no seu conxunto.

A guía, que pode visualizarse a través de este enlace , está enfocada tanto para turistas e visitantes que queiran coñecer este destino desde outra perspectiva como para especialistas que estean interesados en afondar nesta riqueza.

Share on FacebookShare on Google+Tweet about this on TwitterShare on LinkedIn