Dotado cun orzamento de 1,5 millóns de euros e un prazo de 10 anos, regulará o acceso a este enclave lucense

Co fin de garantir a conservación do enclave e regular o seu acceso público, a Xunta de Galicia ven de aprobar un Plan de Conservación para a Praia das Catedrais, en Ribadeo, dotado con 1,5 millones de euros de investimento e. O Plan, elaborado a partir do diálogo coas diferentes administracións e baseado na diagnose científica das súas principais amenazas, estructúrase arredor de cinco eixes de traballo: avanzar no coñecemento deste espazo protexido en Lugo, evitar a perda da súa biodiversidade, acadar un uso público e ordeado do espazo que sexa compatible coa súa conservación, apostar pola mellora paisaxística do patrimonio e favorecer o compromiso social.

Entre as principais novidades que aporta o plan destaca que, a partir do 1 de xullo, os visitantes deberán contar cunha autorización de balde que poderá conseguirse desde 15 días antes nunha dirección web habilitada para tal efecto http://ascatedrais.xunta.es. Esta autorización permitirá asegurar que un máximo de 4.812 persoas visiten diariamente o enclave durante os meses de xullo, agosto, setembro e en Semana Santa. Así, ademais de regular o acceso nos períodos de maior confluencia de visitantes, apóstase por favorecer a desestacionalización da demanda. Do mesmo xeito, está prevista a difusión da normativa de uso público e o control e vixilancia do seu cumprimento.

O Plan, que ten un tempo de actuación de dez anos, inclúe, ademais, a ordenación e homoxeneización dos paneis informativos de diferentes organismos; a eliminación de noiros artificiais e a recuperación da topografía orixinal do terreo, cando sexa necesario; iniciativas para mitigar ou reducir o impacto visual dos equipamentos e das infraestruturas existentes ou previstos; desenvolver actuacións para ordenar os accesos e áreas de aparcadoiro e a venda ambulante, así como para a promoción de medios de transporte alternativos ao vehículo particular; ou a ordenación dos sendeiros e accesos interiores ao monumento natural.

Por último, o Plan tamén avogará por favorecer o compromiso social, fomentando o coñecemento e a implicación na conservación do monumento natural, mediante a promoción de campañas e da coordinación con outras administracións, coa comunidade científica e coa poboación en xeral.

Oportunidade de desenvolvemento ordeado para o sector turístico

Segundo explicou o presidente da Xunta, Alberto Núñez Feijoo, trala aprobación do plan no Consello da Xunta, este enclave da Mariña lucense non é só “unha das nosas praias máis fermosas, senón que é un espazo único e recoñecido por varias figuras de protección ambiental”. De feito, recordou que, aparte de ser considerado monumento natural, conta con interese xeolóxico e mineiro e forma parte da Rede Natura 2000 e da Reserva da Biosfera do Río Eo, Oscos e Terra de Burón.

Por este motivo, o Goberno galego ve preciso, segundo explicou Feijóo, dar pasos decididos para evitar a súa degradación pola presión turística e garantir que os seus valores ambientais se manteña ao longo do tempo. Segundo concluíu Alberto Núñez Feijóo, trátase dun Plan “que fará posible unha xestión máis eficiente dos recursos públicos” e que cómpre valorar como “unha oportunidade, sen dúbida, de desenvolvemento económico para o sector turístico, para a hostalería e para o ocio, compatibles coa conservación dos valores ambientais que motivaron a declaración de Monumento Natural das Catedrais”. “En consecuencia, o que queremos, é que se siga visitando un monumento que temos a obriga de conservar e este é o primeiro Plan de Conservación integral que se acomete por un Goberno en relación á praia das Catedrais”, aseverou o presidente da Xunta.

Consulta o DECRETO 80/2015, de 11 de junio, por el que se aprueba el Plan de conservación del monumento natural de la Playa de las Catedrales.
12 de junio de 2015

A Xunta aproba o primeiro Plan de Conservación da Praia das Catedrais

Dotado cun orzamento de 1,5 millóns de euros e un prazo de 10 anos, regulará o acceso a este enclave lucense Co fin de garantir a […]
11 de junio de 2015

Palexco será la sede del encuentro anual de la Sociedad Nuclear Española

La Sociedad Nuclear Española (SNE), una asociación sin ánimo de lucro cuyo objetivo primordial es la divulgación del conocimiento científico y tecnológico en materia nuclear, ha […]
10 de junio de 2015

Más de 40 actividades, presentaciones de nuevos productos y los Encuentros con Compradores: llega Salimat 2015

Silleda acoge hasta el domingo el Salón de Alimentación del Atlántico, Salimat Abanca 2015, que se celebra de forma paralela a la 38ª edición de la […]
10 de junio de 2015

De Tapas por Galicia lleva a Platea Madrid sus mejores creaciones

La gastronomía gallega viaja esta semana a Madrid a través de la Semana Gastronómica de Galicia en Madrid, que llevará hasta Platea Madrid a los cocineros […]