As axudas están orientadas a promover obras de mellora de accesibilidade de recursos turísticos tales como espazos naturais, miradoiros, rotas de sendeirismo, praias….

Co obxectivo de dotar aos recursos turísticos do medio rural galego de mellores infraestruturas e sinalización adecuada que permita lles permitan seren un recurso accesible para todos, Turismo de Galicia ven de abrir unha liña de de axudas dotada con 1.5 millóns de euros e orientada á mellora da accesibilidade física e a sinalización de recursos turísticos coma os espazos naturais, miradoiros e rotas de sendeirismo, praias marítimas e fluviais e Bens de Interese Cultural.

Así grazas a estas axudas todos os concellos do medio rural galego, é dicir todos os concellos de Galicia exceptuando aqueles incluídos nos perímetros urbanos -Ferrol, Lugo, Ourense, Pontevedra, Santiago, Coruña e Vigo- poderán levar a cabo a construción, ampliación ou mellora de aparcamentos para o acceso aos recursos turísticos, a pavimentación dos accesos ao recurso, pasarelas, ramplas e eliminación de barreiras arquitectónicas, a construción, rehabilitación ou mellora das instalacións que contribúan a mellorar os accesos e circulación dos visitantes e a dotación de equipamentos das referidas instalacións, a rehabilitación ou mellora da accesibilidade dos espazos naturais e a dotación de equipamentos nestes, así como a sinalización, información visual e información táctil.

Estas subvencións están orientadas a cubri os gastos correspondentes á posta en disposición de TICs nos recursos turísticos principalmente dirixida a accesibilidade visual e auditiva, á construción, adquisicións ou mellora de inmobles que contribúan aos obxectivos establecidos, aos equipamentos e material non funxible para acondicionamento dos recursos, á adquisición de maquinaria e equipos necesarios para a implementación da actuación, incluídas as aplicacións informáticas, e aos custos xerais asociados aos investimentos que se efectúen, tales como honorarios de redacción de proxectos, enxeñeiros e asesores así como estudos de viabilidade.

A directora de Turismo de Galicia, Nava Castro, afrimou que “con esta iniciativa contribuiremos a facer de Galicia un destino turístico accesible para todos e potenciar o medio rural continuando incrementando así as súas cifras de demanda”. Neste sentido Castro destacaba o incremento da demanda  rexistrada polo turismo rural da comunidade galega o pasado ano, que superou nun 18,5% a súa cifra de viaxeiros aloxados e nun 16,3% as súas pernoitas. Así mesmo, destacou que o turismo internacional marcou no pasado ano máximos históricos no turismo rural, tanto de demanda, mellorando as súas cifras nun 35%, como de peso, pois o mercado internacional representou o 18,4% do total. Segundo explicou Nava Castro esta mellora dos niveis de demanda turística no turismo rural continua neste ano, xa que no pasado mes de xaneiro os establecementos de turismo rural de Galicia rexistraron unha suba do 15%. Neste senso, a directora de Turismo de Galicia afirmou que estas cifras amosan que o medio rural constitúe na actualidade un gran atractivo turístico para a nosa comunidade e por isto temos o compromiso de traballar no seu impulso e potenciación”.

Plan Integral de Turismo de Galicia

Esta liña de axudas constitúe un paso máis nun dos obxectivos do Plan Integral de Turismo e da aposta da Xunta por consolidar a nosa comunidade como un destino accesible, continuando a traballar polo desenvolvemento do turismo na nosa comunidade de acordo cos principios de calidade, accesibilidade e sustentabilidade, sen esquecer que o turismo constitúe un sector fundamental no desenvolvemento de moitas zonas rurais xa que crea emprego e aumenta a súa atracción global. Finalmente Nava Castro tamén anunciou a apertura dunha liña de financiamento con cargo ao Fondo Financeiro do Estado para a reparación dos danos causados polos temporais de vento e mar na fachada atlántica e na costa cantábrica.

Segundo explicou Nava Catsro, esta liña de préstamos, dirixida a administracións locais, consorcios e empresas turísticas privadas, ten a finalidade de financiar as obras de reparación das infraestruturas turísticas municipais e establecementos turísticos privados que quedaran afectados polos fortes temporais que sacudiron Galicia o pasado ano.

DESCARGA AQUÍ O A RESOLUCIÓN DO DOGA do 6 de marzo de 2015

18 de marzo de 2015

Turismo de Galicia abre unha liña de subvencións para a mellora de infraestruturas e sinalización do rural galego

As axudas están orientadas a promover obras de mellora de accesibilidade de recursos turísticos tales como espazos naturais, miradoiros, rotas de sendeirismo, praias…. Co obxectivo de […]
18 de marzo de 2015

A oferta turística de Galicia viaxou esta semana ás Feiras MITT de Moscova e TUR de Goteborg

Ata o domingo Turismo de Galicia estivo presente nestas dúas feiras sectorais especializadas A oferta turística galega estivo presente en dúas feiras internacionais de carácter sectorial: o […]
17 de marzo de 2015

Turexpo celebró una nueva edición de su bolsa de contratación con la presencia de 50 turoperadores de 17 países

El Salón Turístico que se celebra en Silleda del 20 al 22 de marzo acogió también actividades para el público general con degustaciones, turismo activo y […]
17 de marzo de 2015

El Clúster del Turismo de Galicia celebra su Consejo Ejecutivo en A Coruña coincidiendo con la celebración del Fórum Gastronómico

Este lunes el órgano ejecutivo del CTG se desplazará hasta ExpoCoruña y visitará la muestra “El Primer Picasso: A Coruña 2015” Coincidiendo con la celebración del […]