Álvaro Villasante, de Paprica (Lugo), gañou o premio do público; e Lucía Freitas e Nacho Tierno, de A Tafona Casa de Xantar (Santiago) o da marca Estrella Galicia

Sete cociñeiros gañadores dos seus respectivos certames nas  sete cidades galegas máis grandes e un premio, o recoñemento do Mellor Cociñeiro de Tapas de Galicia. Finalmente foi o Frank de Ferrol e o seu chef Gonzalo Pérez o que levou o gato a auga, aínda que os representantes do Grupo Nove, A Tafona, de Lucía Freitas e Nacho Tierno, e o Paprica de Álvaro Villasante tamén acadaron senllos premios, o do público, no caso de Villasante e especial de Estrella Galicia, no caso do restaurante compostelán. A gala, organizada por Turismo de Galicia, veu poñer o broche de ouro a este concurso gastronómico ‘De Tapas por Galicia’ no que competiron os cociñeiros gañadores dos sete certames celebrados nas principais cidades galegas durante o pasado ano: Gonzalo Pérez (Frank, Ferrol); Moncho Bargo (Spoom, A Coruña); Lucía Freitas e Nacho Tierno (A Tafona Casa de Xantar, Santiago); Rubén González e Sergio Orge (El Cafetín, Pontevedra); Carles Lapuente, (La Contenta, Vigo); Álvaro Villasante (Paprica, Lugo) e mais José Luis Fernández (Tapa Negra, Ourense).

O galardón foi decidido por un xurado profesional conformado por Pepe Solla, cociñeiro e membro do Grupo Nove; Francisco González, presidente do Clúster de Turismo de Galicia; Pablo Portabales, xornalista e crítico gastronómico; e Guillermo Fernández, delegado de Hijos de Rivera en Santiago.

A gala contou coa participación da directora de Turismo de Galicia, Nava Castro, que sinalou que ‘De tapas por Galicia’ permitiu promocionar “baixo un mesmo paraugas”, tanto na comunidade galega como no resto de España, un “produto senlleiro do noso territorio, a enogastronomía, sen que ningún concurso perdese identidade individualmente”, todo o contrario –engadiu- “todos gañaron ao asociarse á gran marca Galicia”.

‘De tapas por Galicia’ é un produto promovido por Turismo de Galicia, en colaboración cos concellos das sete cidades galegas e as asociacións de hostaleiros, para promover de xeito conxunto os concursos de petiscos que teñen lugar anualmente na comunidade galega.

01 de abril de 2015

Gonzalo Pérez, de Frank (Ferrol), acada o premio como mellor cociñeiro do certame De Tapas x Galicia

Álvaro Villasante, de Paprica (Lugo), gañou o premio do público; e Lucía Freitas e Nacho Tierno, de A Tafona Casa de Xantar (Santiago) o da marca […]
30 de marzo de 2015

El sector turístico gallego aguarda un incremento del 15% al 20% en las reservas de Semana Santa

A tenor de los datos recogidos entre los asociados del Clúster del Turismo de Galicia a través de un sondeo, las expectativas para esta Semana Santa […]
29 de marzo de 2015

Boas cifras de viaxeiros aloxados en Galicia nos dous primeiros meses do ano, cun incremento do 7,9% respecto a 2013

As pernoctas e o gasto do turista extranxeiro tamén rexistraron cifras positivas no mes de febreiro No ámbito global e incluíndo a demanda nacional, Galicia rexistrou […]
27 de marzo de 2015

La próxima edición de Termatalia 2016 se celebrará en México

El director de la feria, Alejandro Rubín, y el secretario de turismo del estado de Coahuila, Luis Alfonso Rodríguez, firmaron un convenio de colaboración en este […]