Unha ampla representación de guías turísticos galegos mantiveron un encontro con Turismo de Galicia co obxecto de afondar na divulgación dos produtos que conforman a oferta turística da comunidade, para incrementar o seu coñecemento e contribuir a difundir en toda a súa dimensión entre os visitantes que se achegan ao noso territorio.

Natureza e cultura son dous dos principais motivos polos que nos visitan preto do 50% dos turistas, polo que desde Turismo de Galicia estase a facer un desenvolvemento de produtos turísticos que camiñan neste sentido entre os que salientan os espazos naturais da Comunidade galega, as rutas de sendeirismo e os centros de bicicleta todo terreo, no eido da natureza; e o Camiño de Santiago, o patrimonio relixioso, os xacementos arqueolóxicos e os conxuntos históricos das cidades galegas, no eido cultural. Neste sentido, os guías de turismo de Galicia recibiron ampla información para poder prescribir estes produtos turísticos e comunicar o xeito de acceder a eles.

Os guías turísticos de Galicia tamén tiveron a oportunidade de coñecer de preto os dez produtos cabeceira do turismo galego –Camiño de Santiago, Bosques de Galicia, Turismo mariñeiro, Santuarios máxicos, Ruta da camelia, Faros e praias salvaxes, Mananciais de Galicia, Paseando entre viñedos, Patrimonio oculto e Lugares únicos-, creados ao obxecto de apoiar a comercialización dos recursos turísticos máis característicos da Comunidade galega. Neste caso, representantes de Turismo de Galicia explicaron a oferta turística que comprende cada un deses produtos, así como o xeito de acceder a eles e á súa plataforma de venda.

Ademais, no que atinxe aos produtos cabeceira, tamén se puxo de manifesto o éxito da combinación dalgúns deles, como é o caso da Ruta da camelia e Paseando entre viñedos, que deu orixe a Viños e camelias, que combina a enoloxía coa riqueza patrimonial dos pazos galegos.

Camiño de Santiago

A reunión contou tamén cun apartado para o Camiño de Santiago, no que o xerente do Xacobeo , Rafael Sánchez Bargiela, falou das principais actividades que desenvolve Turismo de Galicia arredor da Ruta Xacobea, tanto no eido da promoción como da xestión das distintas rutas que conforman o Camiño en Galicia.

No encontro por parte de Turismo de Galicia tamén tomaron parte os directores de Competitividade e Promoción, José Luis Maestro e Carmen Pita, respectivamente, e os responsables das áreas de Produtos, Proxectos e Accións Promocionais, e Imaxe e Xestión de Marca.

15 de diciembre de 2015
141215xuntanzaguias

Turismo de Galicia e o colectivo de guías turísticos de Galicia reúnense para potenciar o coñecemento dos productos turísticos galegos

Unha ampla representación de guías turísticos galegos mantiveron un encontro con Turismo de Galicia co obxecto de afondar na divulgación dos produtos que conforman a oferta […]
15 de diciembre de 2015
Asamblea-Thinktur-baja

El cliente como foco del negocio turístico y las nuevas tecnologías, herramientas para la innovación, conclusiones en ThinkTur

La transformación digital plantea al turismo uno de sus principales desafíos, una decidida apuesta por la innovación del sector centrada en el cliente como foco del […]
12 de diciembre de 2015
pesqueira01

La Ruta da Lamprea, nuevo producto turístico gallego

Con el objetivo de promocionar las pesqueiras centenarias que sobreviven a lo largo del río Miño, Turismo de Galicia acaba de crear un nuevo producto turístico, […]
11 de diciembre de 2015
masterclass4

Retos y oportunidades de las nuevas tecnologías en el sector turísticos centran la última jornada de formación del Clúster del Turismo de Galicia

Escuchar a los clientes o emplear las nuevas tecnologías de forma creativa e innovadora fueron algunas de las recomendaciones que expertos ofrecieron al sector turístico Isabel […]