O Camiño de Santiago foi hoxe un dos grandes protagonistas do espazo dedicado a Galicia na Feira Internacional de Turismo de Madrid, Fitur, especialmente debido á presentación do Ano Xubilar da Misericordia que lle otorga un peso especial a este 2016. E é que, tal e como expresou tanto o presidente da Xunta, Núñez Feijóo na apertura oficial do stand de Galicia, como a propia directora de Turismo de Galicia, Nava Castro, a Ruta Xacobea segue a ser o produto turístico estrela, icona máis universal de Galicia e elemento diferenciador da oferta turística da comunidade galega.

Ambos dirixentes coincidiron en resaltar así mesmo que este Ano Xubilar contribuirá a incrementar a afluencia de peregrinos e turistas á comunidade galega, un pulo que axudará no camiño de acadar o obxectivo fixado para este ano dos 5 millóns de viaxeiros.

Neste senso, a responsable de Turismo da Xunta sinalou que a Xunta de Galicia poñerá en marcha un plan de actividades culturais que ampliará a oferta turística da nosa comunidade. “O obxectivo é dinamizar culturalmente os territorios para todos aqueles viaxeiros que queiran descubrilos desde outra perspectiva”, explicou.

Un Camiño accesible
Nesta primeira xornada de Fitur, o salón de actos do stand galego acolleu a presentación da Guía del Camino de Santiago Accesible para todas las personas que, organizada por Predif.

Esta nova guía facilita ás persoas con diferentes discapacidades información concreta sobre a accesibilidade do Camiño de Santiago e da súa oferta turística complementaria. Así, a través da mesma, promóvese a accesibilidade universal e a aplicación dos criterios de deseño para todas as persoas nas diferentes rutas do Camiño en Galicia.

Deste xeito, grazas a esta publicación, os turistas con discapacidade e outras necesidades diversas, dispoñerán de información sobre a accesibilidade das distintas etapas do Camiño de Santiago e os seus recursos turísticos, facilitándolles a planificación da súa experiencia.

Unha ferramenta fundamental para que todos, sen ningunha distinción, podan gozar deste itinerario de referencia a nivel mundial.

O irmán xaponés

Por outra parte, o espazo galego albergou unha presentación sobre a ruta de peregrinación xaponesa Kumano Kodo, irmandada co Camiño de Santiago dende 1998.

Durante o acto, a directora de Turismo de Galicia destacou os numerosos actos e intercambios realizados ao longo destes anos tras a declaración oficial de amizade como camiños irmáns destas dúas rutas declaradas Patrimonio da Humanidade pola UNESCO que, segundo explicou, mostran as boas relacións mantidas entre a prefectura de Wakayama e a comunidade galega.

A responsable de Turismo da Xunta explicou que estas dúas terras, aínda que se encontran afastadas entre si, contan con grandes características que as unen como destinos.

Nava Castro sinalou que o pasado ano foron un total de 1.197 os peregrinos procedentes de Xapón que realizaron o Camiño de Santiago o que supón un incremento do 9,3% e en relación ao ano anterior e demostra o interese que esperta neste país a Ruta Xacobea.

21 de enero de 2016
kumano-kodo

Camiño de Santiago, referente internacional imprescindible para vertebrar o turismo galego

O Camiño de Santiago foi hoxe un dos grandes protagonistas do espazo dedicado a Galicia na Feira Internacional de Turismo de Madrid, Fitur, especialmente debido á […]
21 de enero de 2016
lavuelta

La Vuelta Ciclista, a gastronomía, o turismo astronómico ou a realidade aumentada, protagonistas da primeira xornada de Galicia en Fitur

A primeira xornada da 36 edición da Feira Internacional de Turismo de Madrid, Fitur 2016 acolleu no espacio de Galicia do pavillón 9 un total de […]
18 de enero de 2016
amtega

Colaboración coa AMTEGA para a detección de puntos con deficiente conexión a internet

A Axencia para a Modernización Tecnolóxica de Galicia, Amtega, está a elaborar un informe sobre os puntos de interese turístico que teñen unha deficiente conexión a […]
18 de enero de 2016
fitur

Más de 30 presentaciones, encuentros de trabajo y novedades en la presencia de Galicia en Fitur

La edición número 36 de la Feria Internacional de Turismo de Madrid, FITUR 2016, contará una vez más con una destacada presencia gallega que se materializará […]