Workshop e percorrido por unha parte da oferta turística galega no fam trip de 80 turoperadores portugueses

Workshop e percorrido por unha parte da oferta turística galega no fam trip de 80 turoperadores portugueses

O pasado domingo finalizadaba a viaxe de familiarización promovida por Turismo de Galicia, en colaboración co Clúster do Turismo de Galicia, para mellorar o coñecemento da oferta turística de Galicia entre os turoperadores portugueses. Ademáis, co obxectivo de incrementar o fluxo de comercialización e sinerxias entre ambos países, tamén se levou adiante un workshop entre empresas galegas e os turoperadores portugeses na illa da Toxa.

En total foron catro xornadas de viaxe, en colaboración coa oficina de Turespaña en Lisboa e o Clúster do Turismo de Galicia, que les permitiron visitar Baiona onde puideron coñecer un dos principais destino estivais do sur de Galicia visitando o seu Parador Nacional, o seu casco histórico, a colexiata de Santa María e a capela veciña de Santa Liberata así como a réplica da carabela no porto da localidade.

O mesmo xoves pola tarde puideron gozar dun paseo en barco pola Ría de Vigo e coñecer o porto da cidade viguesa e Sanxenxo, onde pernoctaron nesa primera xornada. O venres visitaron a adega Pazo Baión, da Denominación de Orixe Rías Baixas e a cidade de Pontevedra co seu casco histórico, un dos máis interesantes da nosa comunidade.

Pola tarde, o grupo trasladouse cara o norte de Galicia realizar unha visita o sábado a cidade de A Coruña onde tiveron a oportunidade de coñecer a Torre de Hércules, Patrimonio da Humanidade e o faro máis antigo en funcionamento, a praza de María Pita e a Igrexa de Santiago. Así mesmo, realizaron unha visita panorámica do Paseo Marítimo da cidade herculina e desfrutaron da Marina. O programa dedicou a tarde do sábado para coñecer a capital de Galicia, Patrimonio da Humanidade, Santiago de Compostela, onde pasearon polo seu casco antigo e visitaron a Catedral e as súas cubertas. Para finalizar a viaxe, visitaron o Pazo de Oca, un dos máis emblemáticos pazos rurais de Galicia coñecido pola beleza dos seus xardíns, e a vila de Tui.

Peso do mercado portugués

No pasado ano 2014 rexistráronse 164.576 viaxeiros portugueses aloxados nos establecementos regrados de Galicia, cifra que superou nun 6,6% o dato do anterior ano 2013. Deste xeito, o mercado portugués representou en 2014 o 16,5% do total da demanda turística internacional de Galicia consolidándose como o primeiro mercado estranxeiro da nosa comunidade.

Share on FacebookShare on Google+Tweet about this on TwitterShare on LinkedIn
ACTUALIDAD
20-11-2018

El Conselleiro de Cultura y Turismo se compromete con el desarrollo de los geodestinos dentro de la Estrategia Turismo de Galicia 2020

20-11-2018

Pliego de condiciones que regirán la contratación de un servicio de “Asistencia Técnica para la organización de una misión comercial a la Feria internacional ITB Berlin 2019” con la colaboración de la Xunta de Galicia - Axencia Turismo de Galicia

19-11-2018

El Clúster Turismo de Galicia cierra sus Workshop de Destino de Proximidad con una jornada de trabajo en Porto

19-11-2018

Pliego de condiciones que regirán la contratación de un servicio de “Asistencia técnica para la organización de una misión comercial a la Feria internacional Fitur Madrid 2019” con la colaboración de la Xunta de Galicia -Axencia Turismo de Galicia.