Dúas novas incorporacións ao programa dos trens turísticos de Galicia e a saída por vez primeira na súa historia do tren de luxo Al Andalus para cubrir Madrid-Santiago de Compostela son as principais novidades do programa “Galicia a todo tren” que se presentaron en Fitur2016. A directora de Turismo de Galica, Nava Castro, foi a encargada de anunciar estas novidades dun programa que o ano pasado contou con máis de 2.200 pasaxeiros, o que supuxo unha suba de cinco puntos na demanda deste tipo de programa, que acadou unha ocupación do 87%.

Segundo explicou Nava Castro, unha das grandes novidades é os traxectos do Al Anaduls, o tren de luxo máis amplo e espazoso do mundo, que realizará unha saída en xullo e outra en agosto desde Madrid para chegar a Santiago de Compostela. A directora de Turismo de Galicia afirmou que este feito histórico será de gran importancia para a nosa comunidade, en xeral, e o Camiño de Santiago, en particular, xa que Madrid é a comunidade autónoma de onde procederon máis peregrinos no pasado ano 2015.

Dous novos trens turísticos

Por outra parte, a responsable de Turismo da Xunta anunciou a incorporación de dúas novas rutas que completarán os sete trens turísticos de Galicia, a ‘Termal e do Camiño do Norte a Santiago’ e a da ‘Lamprea e o viño do Condado’. Nava Castro sinalou que o Tren termal e do Camiño do Norte a Santiago circulará entre A Coruña e Lugo e “permitirá mostrar tres elementos primordiais da nosa oferta turística, a riqueza termal, o Camiño de Santiago e o Patrimonio da Humanidade”. Deste xeito, engadiu, “os usuarios deste tren gozarán das instalacións termais do balnearios de Guitiriz, seguirán as pegadas dos peregrinos no Camiño do Norte, declarado Patrimonio da Humanidade en 2015, e viaxarán ao pasado romano na cidade de Lugo”, tamén declarada Patrimonio da Humanidade no ano 2000.

Por outra parte, a directora de Turismo de Galicia explicou que o ‘Tren da Ruta da Lamprea e o Viño do Condado’ ten programadas as súas saídas desde Santiago de Compostela. No seu percorrido, segundo sinalou Nava Castro, este tren turístico achegará aos visitantes ás beiras do río Miño, “o que lles permitirá coñecer de primeira manun patrimonio etnográfico centrado na Ruta da lamprea”. Así, neste percorrido, manifestou a directora de Turismo de Galicia, “visitarán o Pazo de Lourizán e os seus xardíns que conteñen unha mostra da botánica forestal de extraordinario relevo en Galicia e deteranse na cidade de Pontevedra para contemplar a cidade e poder xantar na mesma”.

25 de enero de 2016
210116trens1

Novidades nos trens turísticos galegos

Dúas novas incorporacións ao programa dos trens turísticos de Galicia e a saída por vez primeira na súa historia do tren de luxo Al Andalus para […]
25 de enero de 2016
P1000293

“Lo que la noche esconde”, Fitur acogió la presentación de los dos espacios Starlight gallegos

El Parque Nacional de las Islas Atlánticas y el Alto de Pena Trevinca, en A Veiga, comparten al menos un punto en común: gozan de los […]
25 de enero de 2016
mesastrabajo2

El Clúster Turismo de Galicia gestiona en las mesas de trabajo de Fitur casi 300 nuevos contactos profesionales

En el stand de Galicia en la Feria de Internacional de Turismo se gestionaron durante estos tres primeros días de feria 12 mesas de trabajo para […]
22 de enero de 2016
termatalia-1

Coahuila acogerá la próxima edición de Termatalia México

Coahuila acogerá la próxima edición de Termatalia México El sector del turismo de salud se dará cita entre el 29 de septiembre y el 1 de […]